Juristi Ylli Manjani është shprehur se nga censusi i fundit ka dalë se në Shqipëri jetojnë 1.8 milionë banorë.
Manjani u shpreh se me ardhjen e Ramës në pushtet, 1 milionë shqiptarë kanë ikur, jo sepse nuk kanë punë e para, por nuk kanë siguri për asgjë.
“Si është denatyruar struktura e shoqërisë. E tmerrshme, në 8 qarqe nga 12 numri i pleqve është më i madh se i të rinjve. Katastrofë.
Dhe palaçot thonë kemi bërë reforma. Kanë bërë faqen e tyre të zezë. Kanë larguar njerëzit nga shtëpitë e tyre. Plakje totale, shkatërrim.
Reforma? Çfarë reformash kanë bërë këta, kujt i shet mend ti për reforma, duke përzënë njerëzit nga territori.
2.8 milionë banorë kanë qenë në censusin e vitit 2011. 2.8 milionë. Sot nëpër dhëmbë e nxjerrin, sepse nuk guxojnë ta nxjerrin shifrën. Është 1.8 milionë banorë. Është 1 milionë më pak për 10 vite. 1 milion më pak shqiptarë. Se shqiptarët ikin, shohin punën e tyre.
Kush ka një punë, një zanat, çan e ikën. Nuk ikën se nuk ka lek, se lek në Shqipëri ka sa të duash, kemi klime, ka territor, ka shtëpi. Të gjitha këto i kemi ne.
Por ikin se nuk ka siguri. E dini ju se letrën e pronës sot që mezi e ke blerë, shqiptari sot nuk e ka në xhep, por e ka në një sistem që nuk dihet se ku është. Pasiguri totale.
Prona e pasigurtë. E blen me investimet e jetës dhe vjen një batalion me policë dhe ta shembin.
5 maji, unaza, Shkoza, bregu, sa raste doni në Shqipëri.
Prona sot është katastrofë ta merr shteti”, tha Ylli Manjani në SYRI TV.
