Qarku i Korçës është pushtuar nga reshjet e dëborës ditët e para të këtij viti.
Reshjet vijojnë të jenë aktive, dhe mësohet se në segmentin rrugor Boboshticë-Dardhë trashësia ka shkuar 10 cm, por deri më tani nuk raportohet për probleme në qarkullim. Temperaturat gjatë natës kanë qenë të ulëta e pritet që edhe dy ditët në vazhdim të jenë të tilla.
Aktualisht raportohet se 3 borëpastruese ndodhen në Dardhë, 2 në Voskopojë dhe 3 në Qafën e Qarrit. Qarkullimi në akset kryesore vijon pa probleme.
Policia ka bërë apel për shoferët, të pajisen me goma dimërore dhe zinxhirë kur udhëtojnë në segmente me prezencë dëbore, të ulin shpejtësinë e të respektojnë sinjalistikën.
