Gjykata e Korçës ka vendosur masën e sigurisë arrest me burg për Kledi Tirollarin. 29-vjeçari akuzohet se ka kryer marrëdhënie seksuale me vajzën e mitur të njerkës.
Denoncimi është bërë nga nëna e të miturës pak ditë më parë, ndërsa ka qenë 12-vjeçarja e cila në prani të psikologëve ka pranuar se është në një lidhje 2-vjeçare me Tirollarin.
Tirollari përpara trupit gjykues nuk ka pranuar akuzën teksa ka thënë se nuk ka kryer marrëdhënie seksuale me të miturën.
Ndërkohë në dosjen e prokurorisë sipas avokatit Denis Mekolli nuk ka një akt mjekoligjor për të vërtetuar akuzën. Sipas avokatit nëna e vajzës e ka denoncuar këtë rast për shkak të grindjes me bashkëjetuesin.
