Deputeti i Partisë Demokratike, Luan Baçi, i është bashkuar protestës që po mbahet poshtë shtëpisë së kreut opozitar Sali Berisha.
Në fjalimin e tij, Baçi është shprehur se regjimi i Ramës e ka detyruar shoqërinë civile të mblidhet për të tubuar kundër politikave të tij antikombëtare, ndërsa shtoi se asgjë nuk mund ta ndalojë Partinë Demokratike dhe liderin e saj.
“Ne jemi këtu e do të jemi këtu çdo ditë çdo ditë në vazhdim derisa ky regjim i Edi Ramës të marrë fund njëherë e mirë. Ne nuk do ta ndalojmë aksionin tonë politik asnjë moment. Është një ditë e shënuar për partinë demokratike në Fier dhe sot duhet të ishim në Fier, të festonim me demokratët dhe qytetarët fierak por regjimi i Edi Ramës na detyron të jemi këtu, në këtë rrugic për ti treguar atij sëe partia demokratike është e madhe, është e fuqishme dhe nuk mund të eleminohet nga një uzurpator , nga një injorant, nga një njeri që thjeshtë dhe vetëm ka zaptuar të gjitha pushtetet dhe deputetët e vet i ka shndërruar në dele. Sali Berisha nuk është indivit, Sali Berisha është historia e partisë demokratike. Është lideri ynë historik dhe është përfaqësimi ynë 33 vjeçar.”
