Ministri i Brendshëm i Malit të Zi, Danilo Šaranović, ka reaguar pas ngjarjes që u regjistrua këtë të shtunë në Malin e Zi, ku tre shqiptarë u dhunuan barbarisht nga një grup personash.
Përmes një postimi në rrjete sociale, Šaranović, shprehet se shqiptarët janë mirë dhe se kanë nisur hetimet lidhur me rastin.
“Djemtë janë mirë, do t’ju informoj për gjithçka.
Kolegët e mi po bëjnë gjithçka për të hetuar ngjarjen sa më shpejt të jetë e mundur. Gjëja më e rëndësishme është që djemtë janë mirë”, shkruan ai.
Ende nuk dihen shkaqet dhe rrethanat e ngjarjes, ndërsa pak më herët u njoftua se janë shoqëruar disa persona të dyshuar.
