Një plagosje me armë zjarri është regjistruar mbrëmjen e të premtes në fshatin Malbardhë të Kurbinit.
Autoritetet policore konfirmojnë se shtetasi Admir Shqypi, 30 vjeç, ka plagosur me armë zjarri pistoletë bashkëfshatarin e tij, Fatjon Lika, 33 vjeç. Ngjarja ka ndodhur në ambientet e një lokali pas një konflikti mes tyre.
Mësohet se i plagosuri Fatjon Lika është dërguar me urgjencë në spitalin e Traumës në Tiranë, ku paraprakisht raportohet se ndodhet jashtë rrezikut për jetën.
Autori është larguar në drejtim të paditur pas krimit. Policia e Kurbinit në bashkëpunim me ato të Lezhës vijojnë kontrollet për kapjen e shtetasit Admir Shqypi, si dhe dy shtetasve të tjerë E. L dhe P. L., të përfshirë në konflikt.
Grupi hetimor nën drejtimin e Prokurorit vijon punën për zbardhjen e rrethanave dhe dokumentimin e plotë ligjor të këtij rasti.
