Një aksident me pasojë vdekjen ka ndodhur mbrëmjen e kësaj të shtune në Durrës, në sektorin Rinia.
Një 31 vjeçar ka përplasur me makinë një kalimtar, e si pasojë ky i fundit ka ndërruar jetë.
‘Rreth orës 18:45, në aksin rrugor “Sektor Rini-Shenavlash”, një automjet me drejtues shtetasin R. K., 31 vjeç, ka përplasur këmbësorin shtetasin Gj. D., rreth 52 vjeç, i cili si pasojë ka humbur jetën’,- njofton Policia.
Grupi hetimor ndodhet në vendngjarje dhe po punon për sqarimin e rrethanave të aksidentit.
