Një 33-vjeçar është lënduar pasi është dhunuar nga 2 persona në Shkodër. Këta të fundit e kanë dhunuar me sende të forta të riun dhe aktualisht ndodhet në spital.
“Rreth orës 12:10, në spitalin rajonal të Shkodrës, është paraqitur i dëmtuar lehtë, shtetasi K. Sh., 33 vjeç, banues në fshatin Bleran, i cili pretendon se gjatë një konflikti të çastit, për motive të dobëta, në rrugën ” Isa Jakupi” e kanë goditur me send të fortë, 2 shtetas të paidentifikuar.”- njofton policia.
Grupi hetimor vijon të punojë për identifikimin dhe kapjen e 2 shtetasve, si dhe për sqarimin e rrethanave të rastit.
