Ish-kandidati i opozitës për Bashkinë e Kuçovës, Lefter Maliqi ka bërë me dije se kryebashkiaku socialist, Kreshnik Hajdari ka dhënë dorëheqjen.
Sipas Maliqit, dorëheqja e Hajdarit të Kuçovës nuk është pranuar nga “shefi i tij” Salillari.
Reagimi i plotë nga Lefter Maliqi:
“Lajm i fundit!
Ka të dhëna në Kuçovë se Hajdari kërkon dorëheqjen, por ka frikë nga ‘Shefi i tij’, siç edhe i therret ish-fatorinos Salillari. Hajdari kërkon të iki, por Salillari i thotë:
“- O Hajdar more Hajdar po rri mirë, se do të var, me ushkur, se s’mban as litar!
Po rri urtë o i uruar, të hamë tok çkemi gatuar!
Unë të vura; unë të heq, ç’ke që bën si një mistrec!
Po të mbroj e po të mbaj, kalon dyerve kollaj-kollaj;
Që nga SPAK e nga Gjykata, KAS, KOLEGJ e gjithë ç’vijnë mbrapa!
Jemi miq e jemi shokë, s’të dorëzoj se biem tok!
Dhe po bëmë ndonjëçik burg, mos ki frikë se do jem unë;
Ti do lash, unë do gatuaj, atë çorbën me çudira, që ja dhamë gjithë Kuçovës; ca e vollën, ca e vodhën; ca e hëngrën ca e pinë, ca e tretën me pahir;
Njëçik burg e bëjnë të gjithë, unë e ti do jemi VIP!
Do tregojmë plot historira; kur në dhomë gjumi s’na merr,
Si e rropëm si e vodhëm, si s’u dëndëm dhe ja hodhëm!
E do bëjmë edhe plot dollira për Kuçovarët fukarenj, burra, gra, fëmijë e pleq;
Për ca rrugë e për ca ura, për at’ çakull e asfalt, për Sinec e për UNESCO, që i çuam gjithë për dreq!
Në fakt veç satirës qytetarëve dhe mua na vjen keq për ta! Ne nuk dëshirojmë burgun! Më mirë ju shkon të futen në “Big Brother VIP”, meqenëse e mbajnë veten të dy të pashëm, ♂️ të zgjuar, intelektualë, oratorë dhe punëtorë dhe madje mendojmë se të dy do dalin në finale, por fitues sigurisht do të dalë ‘Shefi’ i Hajdarit, ish-fatorinoja Salillari, pasi ka qënë më i mirë në gatim, sidomos Çorbën e thanë! Madje dhe Vitin e Ri, po thonë që bashkë do jenë, njëlloj si i pamë vjet të dy, si dy vëllezër; Hajdari do s’do, do ngrejë prap dolli edhe sivjet, për ‘Shefin’ e tij Salillari! Kraharorin e ka ‘Shefi’ si përherë, Hajdari ndonjë kofshë, e ç’ti ngelet; kurse populli….. populli do i bjerë cyrles te koncerti me paratë e veta!“, shkruan Maliqi.
