Një ngjarje disa e çuditshme është regjistruar mbrëmjen e së dielës, në prag të Krishtlindjeve, në Kretë, me protagonist një shqiptar.
Mediat vendase raportojnë se ky i fundit ka qëlluar me armë zjarri në drejtim të një makine të parkuar në zonën e “Kainourgias Portas”. Makina u godit në pjesën e pasme nga plumb i armës që mbante shqiptari.
Ngjarja është denoncuar në Polici nga pronari i makinës dhe më pas është idenitifkuar dhe arrestuar autori i dyshuar. Në dëshminë e dhënë për autoritet greke, shqiptari ka pranuar autorisë, teksa ka pohuar se ka dashur të testojë armën për të parë nëse do të shkrepë, duke shkaktuar atë që ka ndodhur.
Por, pas ngjarjes me mjetin, ai ka tentuar të kryente një grabitje në një dyqan, por nuk ia doli dhe u arrestua nga Policia e Sigurisë. Pronarët synojnë të procedojnë me padi kundër autorit të dyshuar.
Avokati Manos Drakonakis, i cili përfaqëson pronarin e mjetit, ka komentuar ngjarjen në një prononcim për mediat greke, ku shprehet: “Është e pamendueshme të kesh parkuar makinën në një vend publik dhe të mos e dish në mëngjes kur zgjohesh në çfarë gjendje do ta gjesh dhe nëse e gjen. Së fundi, në një moment personat që i kryejnë këto vepra duhet të ndëshkohen në mënyrë shembullore. Brenda makinës mund të ishte një person dhe në këtë moment nuk do të kishim dëme materiale, por diçka mjaft të rëndë.”
