Një aksident ka ndodhur mbrëmjen e djeshme në aksin rrugor Mesopotam-Livadhja.
Një motor me targa AP538 me drejtues shtetasin Piro Miconi, 34 vjeç, është përplasur me një lopë dhe për pasojë ka humbur drejtimin. Menjëhere pas kësaj, motori është goditur nga një automjet që po kalonte në aksin rrugor, duke shkaktuar plagosjen e rëndë të 34-vjeçarit.
Nga përplasja mbetën të lënduar dhe drejtuesi i mjetit dhe pasagjeri, shtetasit Kristi Leka. 34 vjeçari Miconi është nisur mëngjesin e të martës me helikopter drejt spitalit të Traumës në Tiranë, për shkak të gjendjes së rëndë shëndetësore.
Ndërkohë që i lënduari tjetër, Leka ndodhet jashtë rrezikut në Spitalin e Sarandës.
Policia ka arrestuar drejtuesin e automjetit, shtetasin Mico Gerbura.
