Në krye të Bashkisë së Himarës me urdhër të kryeministrit Edi Rama, edhe pse humbës në zgjedhjet e 14 majit, Jorgo Goro ka reaguar për mediat duke thënë se ai nuk ka dhënë dorëheqjen nga posti.
Top Channel kontaktoi me kryebashkiakun Goro. Pyetjes nëse ai ka dhënë dorëheqjen apo vijon të jetë në detyrë, dha këtë përgjigje: “Nuk e kam dhënë doreheqjen. Vazhdoj detyrën“.
Gjithashtu kryeministri Edi Rama ka thënë se: “Jorgo Goro i cili ende po funksionon si kryebashkiak, duhet të ndërpresë mandatin“. Prej kohesh, Bashkia Himarë është kthyer në një “mollë sherri” mes Shqipërisë dhe Greqisë.
Beleri fitoi zgjedhjet e 14 majit në bashkinë e Himarës, por vetëm 2 ditë para procesit zgjedhor ai u prangos në lokalin e tij, pas akuzave publike të kryeministrit Edi Rama gjatë një emisioni televiziv.
