Një aksident me pasojë vdekjen ka ndodhur në orët e para të mëngjesit të sotëm në Fier. Një automjet tip “Volvo” ka përplasur në rrethana ende të paqarta një kalimtar, e si pasojë ky i fundit ka ndërruar jetë.
Ngjarja ka ndodhur rreth orës 03:00, ndërsa identiteti i viktimës ende nuk bëhet me dije. Sakaq është shoqëruar në komisariat shoferi i mjetit.
“Rreth orës 03:00, në bypass_in e Fierit, automjeti tip “Volvo” me drejtues shtetasin 31 vjeç, banues në Vlorë, ka aksidentuar me pasojë vdekjen një shtetas, rreth 65 vjeç, ende i paidentifikuar. U shoqërua drejtuesi i mjetit në Komisariat, me të cilin po kryhen veprimet procedurale. Grupi hetimor po punon për identifikimin e shtetasit që ka ndërruar jetë dhe për zbardhjen e shkakut të aksidentit”,- njofton Policia.
