Deputeti i Partisë Demokratike, Bledjon Nallbati, deklaroi se opozita nuk do të tërhiqet nga skenari i saj.
Nallbati nga ambjentet jashtë Kuvendit, u shpreh se pretendon që të futet në sallë, pasi sot me ligj i mbaron ‘dënimi’.
“Duhet të jem brenda në parlament. Do të shohim nëse ka një reflektim nga qeveria. Sot përfundon dënimi dhe duhet të jemi pjesë e seancës. Do të shkojmë, mandej të shohim. Garda do të na ketë bërë ndonjë surprizë, ne do të bëjmë përpjekjen tonë. Ne do të vazhdojmë për të destabilizuar këtë Kuvend që nuk po kryen funksionin e tij.”, tha ai.
I pyetur nga gazetarët nëse protesta e sotme e thirrur nga opozita është për Sali Berishën, Nallbati u shpreh se kjo nuk ka lidhje me Berishën, por me heqjen e të drejtave kushtetuese të opozitës.
