Mazhoranca në Kuvend votoi këtë të enjte me 75 vota pro, arrestimin e ish-kryeministrit Sali Berisha.
Jashtë ambjenteve të Kuvendit, për mediat, Berisha shprehet se ky është një krim i vërtetë, ndërsa shton se opozita do vazhdojë të qëndrojë e pamposhtur.
Berisha: Në kundërshtim me cdo procedurë ligjore, për arrestimin tim. Në një mënyrë apo në një tjetër, parlamenti sot vazhdoi veprën që dështoi në datën 9 shtator. Nëse dështoi në 9 shtator, sot do të jetë më i dështuar se kurrë. Ky vendim jo që nuk mund të shkatërrojë synimet e opozitës, por do mobilizojë opozitën në shkallën më të lartë, do ti japë përgjigjen e duhur këtij regjimi.
Rama sot u fut në tunelet e parlamentit, në zyrën e Skëndër Gjinushit, u fut nga vrima e miut në Parlament. E garantoj se kjo opozitë do të qëndrojë e pamposhtur.
