“Arrest me burg” ka dhënë gjykata e Fierit mëngjesin e sotëm si masë sigurimi ndaj Shpëtim Kalemit dhe Pandeli Petanit, të cilët u ndaluan në kuadër të operacionit policor të koduar “Vlera”, që çoi në sekuestrimin e pikturave, ikonave dhe sendeve të tjera të vjetra. Sende që sipas akuzës, kanë një vlerë rreth 1.5 milionë eurove.
Masa u dha nga gjyqtarja Miranda Nakaj, ndërsa prokuror ishte Elvis Alliaj. Në seancën e zhvilluar, i pandehuri Kalemi ka paraqitur kuponit e blerjes dhe zhdoganimit të mallrave të sekuestruar dhe ka mohuar akuzat.
Gjyqtaria Miranda Nakaj pasi ka dëgjuar akuzën dhe mbrojtjen, ka vendosur që të dy të akuzuarve tu jepet masa “arrest me burg”.
Në përfundim të seancës, avokati Ermal Hamataj tha për mediat se e gjitha është një show që ka nisur nga drejtoria e policisë Fier duke arrestuar persona të paarsimuar, për shkak se i përkasin komunitetit rom, janë në kushte ekstreme te varfërisë dhe nuk e dinë vlerën e ikonave dhe jo më të merren me trafikimin e tyre.
Lexo edhe:
Sekuestrohen 107 vepra arti e sende antike të dyshuara të trafikuara, 2 në pranga
