Nëntëmbëdhjetë urdhër arreste të lëshuara nga Prokuroria e Përgjithshme e Barit janë zbatuar nga Drejtoria e Hetimit Antimafia Dia, raportojnë mediat italiane.
Miratimi për ekzekutimin e urdhrave erdhi pas një vendimi të Gjykatës së Lartë më 14 dhjetor. Masat e sotme janë të lidhura me rezultatet e operacionit “Kulmi”, i nisur nga Qendra Operative e Bari Dia dhe Prokuroria e Posaçme kundër korrupsionit dhe krimit të organizuar të Republikës së Shqipërisë (Spak) dhe Eurojust, të cilat bënë të mundur çmontimin e një organizate të fuqishme kriminale transnacionale të trafikantëve të drogës që e transportonin nga Shqipëria drejt Italisë.
Operacioni, në zhvillimin e tij, kishte lejuar, ndër të tjera, arrestimin e 27 bashkëpunëtorëve dhe sekuestrimin e mbi 3.3 ton drogë përfshirë marihuanë, kokainë dhe heroinë.
