Policia e Shtetit ka rrethuar të gjithë zonën rreth Kryesisë së Kuvendit, ku pritet të mbahet mbledhja e Këshillit të Mandateve, për të lejuar Prokurorinë e Posaçme SPAK në kërkesën e saj të ndryshimit të masës për ish-kryeministrin, Sali Berisha, në arrest shtëpie.
Mbledhja është parashikuar të mbahet në mesditë në ambientet e Kuvendit, kur një protestë nga PD është paralajmëruar po në këtë orë.
Sakaq, Berisha në një postim në rrjete sociale ka ftuar qytetarët dhe demokratët në protestë dhe ka komentuar masat e shtuara të sigurisë.
“Tmerrohet Rama dhe narko-qeveritarët e tij! Betejë pa kthim! Rroftë Opozita”, shkruan Berisha.
