Një 56-vjeçar turk është arrestuar nga policia, pasi tentoi kalimin e municionit luftarak në kufi.
Në pranga ka rënë shtetasi Yasin Devcar, pasi i janë gjetur në makinë 50 fishekë luftarak që posedoheshin pa leje.
“Specialistët për Hetimin e Krimeve të DVKM Korçë arrestuan në flagrancë shtetasin turk Y. D., 56 vjeç, banues në Izmir, pasi në hyrje të Republikës së Shqipërisë, gjatë kontrollit në vijë të dytë, të kryer nga shërbimet e Stacionit të Policisë Kufitare Qafë Thanë, në automjetin që drejtonte ky shtetas, u gjetën 50 fishekë luftarak që posedoheshin pa leje. Fishekët u sekuestruan në cilësinë e provës materiale”,- njofton Policia.
