Një 36-vjeçare është arrestuar nga policia në Korçë. Bëhet fjalë për shtetasen Anjeza Lilollari, e cila dyshohet se në gjendje të dehur ka vjedhur një automjet dhe ka tentuar të largohet. Por duke mos pasur leje drejtimi, e reja është përfshirë në aksident, dhe ka përplasur dy automjete të tjera.
Si pasojë e aksidentit, ka pasur për fat të mirë vetëm dëme materiale.
“Specialistët për Hetimin e Krimeve të Komisariatit të Policisë Korçë arrestuan në flagrancë shtetasen A. L., 36 vjeçe, banuese në fshatin Plasë, Maliq, pasi dyshohet se ka vjedhur një automjet, me të cilin duke qenë në gjendje të dehur dhe pa leje drejtimi, ka përplasur 2 automjete të tjera dhe ka shkaktuar vetëm dëme materiale”, thuhet në njoftimin e policisë.
