Ka nisur gjyqi në gjykatën e Elbasanit për 4 të rinjtë, që akuzohen për vrasjen e 15-vjeçarit Fatjon Bici në Gramsh. Autori kryesor i dyshuar për krimin është Orgito Çarçiu, i cili nëse shpallet fajtor rrezikon deri në 12 vite burg.
Gjithashtu pritet vendim për të arrestuarit e tjerë, përkatësisht për; Ergi Karaj, Stiven Murati,Xhonatan Çekrezi.
Kujtojmë se ngjarja e rëndë ndodhi më 16 maj të këtij viti në lagjen “Sporti 2” në qytetin e Gramshit, ku 15-vjeçari u godit me thikë pas një sherri me bashkëmoshatarët.
Pavarësisht pretendimeve të mbrojtjes që jo të gjithë të miturit të gjykohen për “vrasja në rrethana cilësuese në bashkëpunim” kërkesa është refuzuar dhe gjykimi vijon me të njëjtën akuzë për të katër.
