Një 23-vjeçar është arrestuar dhe 3 të tjerë janë proceduar në Tiranë pasi akuzohen për kanabis. Në pranga ka rënë shtetasi Franko Bici, i cili është ndaluar teksa ishte duke udhëtuar me automjetin e tij tip “Benz” dhe gjatë kontrollit fizik i janë gjetur doza kanabisi.
Procedimi ka nisur për shtetasit Endi Llupa, 24 vjeç; Vilson Mehmeti,, 24 vjeç; Parid Kullaj, 22 vjeç, të cilët ishin pasagjerë në mjet me 23-vjeçari.
“Në aksin rrugor Fushë Bulqizë-Maqellarë, shërbimet e Policisë kanë ndaluar automjetin tip “Benz”, me drejtues shtetasin F.B., 23 vjeç, banues në Tiranë, të cilit gjatë kontrollit fizik, i është gjetur e fshehur në trup një sasi lënde e dyshuar narkotike kanabis, e ndarë në disa doza gati për shitje, të cilat u sekuestruan në cilësinë e provës materiale, sëbashku me një shumë parash dhe 5 aparate celular.
Në vijim të veprimeve procedurale për këtë rast u bë arrestimi në flagrancë i 23-vjeçarit, si dhe u referuan materialet në Prokurori ku nisi procedimi penal për tre pasagjerët që udhëtonin me 23-vjeçarin, konkretisht shtetasit E.Ll., 24 vjeç; V.M., 24 vjeç; P.K., 22 vjeç; të tre banues në Tiranë, të dyshuar se kanë konsumuar elementët e veprës penale “Moskallëzimi i krimit”,- njofton Policia.
Materialet procedurale i kaluan Prokurorisë pranë Gjykatës së Shkallës së Parë të Juridiksionit të Përgjithshëm Dibër, për veprime të mëtejshme.
