Deputetja e Partisë së Lirisë, Monika Kryemadhi, gjatë konferencës së sotme me gazetarët ka folur edhe në lajmin që qarkulloi pak ditë më parë, ku u tha se i ishin sekustruar pronat nga SPAK.
Kryemadhi e mohoi që asaj dhe familjes së saj t’i jenë sekuestruar pronat, teksa tha se sendi i vetëm i sekuestruar është celulari dhe ai në kuadër të hetimeve për inceneratorin.
“Asnjë pronë, as e imja as e familjarëve të mi nuk është sekuestruar. Çdo gjë tjetër që do flas ka të bëjë me inceneratorin. Kanë lidhje vetëm me inceneratorin. Nuk është sekuestruar asnjë gjë e familjarëve të mi. Celulari, send që ka lidhje me kallëzimet e mia. Mos u shqetësoni, Monika Kryemadhi nuk ka gjë për të fshehur. Libër i hapur është Monika Kryemadhi për ju. Madje më e hapur seç duhet. Lojën politike dhe strategjinë që përdor unë për të ardhur këtu, është një mekanizëm i fshehtë dhe stil që e mëson gjatë rrugës”, tha Kryemadhi.
