Partizani ka harruar shijen e fitores, teksa sot barazuan 1-1 në shtëpi kundër Skënderbeut.
Të kuqtë kanë regjistruar sot barazimin e pestë radhazi në kampionat, duke konfirmuar se nuk janë në formën më të mirë të mundshëm në këto momente.
Në minutën e 30-të, të kuqtë iu afruan golit me Tedi Carën, por lojtari nuk shtyu dot topin në rrjetë, edhe pse e pati mjaft të lehtë.
Kur nuk shënon, e pëson. Korçarët e mbyllën pjesën e parë në avantazh pas golit të Yuri Merlim, vetëm 2 minuta nga fundi i kohës së rregullt. Pjesa e dytë filloi në mënyrë perfekte për skuadrën e Abilaliaj. Mba vendosi ekuilibrat, duke motivuar në maksimum kryeqytetasit për të kërkuar me ngulm përmbysjen.
Në minutën e 68-të, Partizani reklamoi një penallti, gjithsesi VAR hodhi poshtë pretendimet pasi e konsideroi faullin si jashtë zonës. Asnjë ndryshim rezultati deri në fund, Partizani renditet në vendin e dytë me 31 pikë, ndërsa Skënderbeu e sheh veten në vendin e katërt me 22 pikë.
Sfida tjetër mes Teutës dhe Egnatias ka përfunduar në barazim gjithashtu, ku ndeshja u mbyll me shifrat 2-2.
Goli i Teutës erdhi në minutën e 18’, ku Daci godet shtyllën fillimisht dhe më pas topi i kthehet sërish në këmbë, por këtë herë nuk gabon përpara portës së rrogozhinasve.
Egnatia riktheu baraspeshën në minutën e 88’, kur Lemine shënoi fluturimthi.
Më pas thrilleri fillon pikërisht nga ky moment. Në minutën e 96’, Teuta gjen avantazhin me Karabeci pasi shënoi me 11 metërsh. Por 60 sekonda më pas, Musta barazon shifrat për Egnatian duke i dhënë kështu 1 pikë.
Pas kësaj përballje, Egnatia mbetet në vendin e parë me 34 pikë, ndërsa Teuta në vendin e fundit me 15 pikë.
Shikoni golin e parë të Teutës
Shikoni golin e parë të Egnatias
Shikoni golin e dytë të Teutës
Shikoni golin e dytë të Egnatias
