Berat Gjimshiti u rikuperua në momentet e fundit nga dëmtimi muskulor dhe zbriti në fushë si titullar në Atalanta-Milan. Ndeshje të cilën ai dhe shokët e tij e fituan 3-2.
Kapiteni i kombëtares shqiptare e zhvilloi takimin të plotë, teksa paraqitja e tij kundër kuqezinjve të Stefano Piolit u vlerësua me notën 7.
“Arrin të kufizojë Oliver Giroud në mënyrën më të mirë të mundshme. Ia del duke qenë gjithmonë i vëmendshëm. Tjetër performancë e nivelit të lartë”, lexohet në komentin e shtypit italian.
Gjimshiti vijon të konfirmohet nga viti në vit si një ndër lojtarët më të rëndësishëm të skuadrës së Gian Piero Gasperinit.
Me suksesin e sotëm kundër Milanit, Atalanta është ngjitur në kuotën e 23 pikëve. Duke qenë përkohësisht vetëm një pikë larg zonës Champions League.
