Të shtëna me armë zjarri janë regjistruar pasditen e kësaj të premteje në fshatin Guci të Shkodrës. Burime bëjnë me dije se si pasojë e të shtënave me armë ka mbetur i plagosur një banor i zonës nga një plumb qorr.
Mësohet se banori është plagosur në këmbë. I plagosuri është transportuar me urgjencë në spitalin e Shkodrës dhe ndodhet jashtë rrezikut për jetën.
Ende nuk dihen më shumë detaje. Policia ndodhet në vendin e ngjarjes dhe po punon për zbardhjen e rrethanave.
“Rreth orës 16:15, në Urgjencën e Spitalit Rajonaal Shkodër, ka shkuar për ndihmë mjekësore shtetasi A. Z., 59 vjeç, banues në fshatin Guci, Shkodër, i cili dyshohet se është plagosur me armë zjarri në këmbë jashtë rrezikut për jetën.” – thuhet në njoftimin e Policisë.
