Elton Javori, 41 vjeç, është ekzekutuar me armë zjarri mesditën e kësaj të enjte në lagjen “16 Prilli”, në Fier.
Javori është qëlluar nga persona ende të paidentifikuar teksa ishte duke ecur në këmbë. Nuk dihen ende shkaqet e ekzekutimit, ndërsa fqinjët e njohin si një djalë të qetë dhe jo problematik. Fqinji shprehet se i ndjeri banonte 100 metra larg vendit ku mbeti i vrarë. Ai tregon se nuk kishte dëgjuar të shtëna armësh, e kishin lajmëruar se e vranë.
“Ka qenë djalë i mrekullueshëm, i edukuar dhe i sjellshëm. Nga i erdhi, Zoti e di. Nuk dëgjova krisma armësh. Ky ka nënën dhe babanë këtu. Vëllezërit i ka në Gjermani. Sa dola nga shtëpia, u futa të pija kafe, dola me vrap”-”– u shpreh banori.
