Deputeti i PD-së Asllan Dogjani, i ftuar në Syri TV, u shpreh se mazhoranca ndonëse ka detyrën kryesore që buxheti që miraton tu shërbeje qytetarëve, në fakt ajo po përpiqet ta fshehë se ky buxhet do i varfërojë ato dhe më shumë.
Ai tha se buxheti i vitit 2024 është kaluar pa u diskutuar askund, teksa sipas tij, ata po reagojnë në atë mënyrë, pasi u është mohuar e drejta kushtetuese për të ngritur Komisionet Hetimore për të kontrolluar qeverinë.
“Po nisim me buxhetin e 2024 ku ligji themeltar më i rëndëishëm që kalon një Parlament gjatë gjithë vitit mazhoranca, kanë si qellim kryesor në fund të fundit që buxheti tu shërbejë qytetarëve shqiptar. Dhe këta e kanë kaluar pa e diskutuar as në komisione, as me qytetarët, as brenda mazhorancës dhe opozitës për faktin që ne jemi në një dhunë të ushtruar nga mazhoranca te qytetarët shqiptarë dhe ndoshta kjo dhe i ka shërbyer kësaj mazhorance që qytetarët shqiptarë të mos marrin vesh se çfarë bëhet me buxhetin e tyre, se si ata vidhen dhe se si ky buxhet më shumë do t’i varfërojë ato gjatë vitit 2024.
Buxheti i vitit 2023 por dhe buxhetet e mëparshme janë vjedhur nga kjo qeveri dhe ajo çfarë ne na ka detyruar të kalojmë në këtë pozicion, është se na është mohuar një e drejtë themelore, e drejta kushtetuese për të ngritur Komisionet Hetimore për të kontrolluar këtë qeveri.” -tha Dogjani.
