Dy shqiptarë, identiteti i të cilëve nuk bëhet i ditur, janë kapur në flagrancë nga një oficer policie jashtë detyrës, duke u ngjitur në murin e një rezidence private, Allée Guillaume-Apollinaire, në Dijon të Francës. Ai ka lajmëruar kolegët e tij për këtë sjellje të dyshimtë.
Shqiptarët u arrestuan disa metra larg rrugës në rue des Mazières, në Fontaine-lès-Dijon. Policia u gjeti atyre pincë prerëse dhe bizhuteri nga disa vjedhje.
Dy shqiptarët e moshës 37 dhe 32 vjeç, janë intervistuar për disa orë në mbajtje policore. Ata janë larguar nga komisariati me një thirrje në gjykatë dhe kanë detyrimin të largohen nga territori francez (OQTF).
