Nga Boldnews.al
Kryetari i Bashkisë së Shkodrës, Benet Beci, po e transformon Shkodrën vetëm me … fasada! Ashtu siç bënë edhe dy “shefat” e tij, Edi Rama dhe Erion Veliaj, të cilët më shumë mendojnë për lyerjen e mureve sesa për vende pune apo thithje të investimeve nga firmat më prestigjozet.
Edhe ato investimë që po bëhen, në vende bregdetare, shteti shqiptar ka falur tokën me 1 euro, si në Durrës, Vlorë apo edhe në të gjithë pjesën tjetër të Adriatikut dhe Jonit. Duket se procedura më fitimprurëse për mazhorancën është fasada, teksa e gjithë politika e tyre është vetëm një propagandë boshe, çka ka detyruar shqiptarët të emigrojnë në vende të tjera.
Dhe, s’kishte si të ndodhte ndryshe edhe me Becin, i cili këto kohë është kujdesur shumë vetëm për pamjen e jashtme, teksa ecejaket e tij në qytetin më të madh verior janë për pastrime kanalesh apo edhe lagjesh.
Një detyrë që duhet të bëhet pa shumë zhurmë, por që Beci e “shet” mirë, pasi rreth e qark tij janë me dhjetëra punonjës të zyrës së shtypit, me kamera dhe aparate fotografike.
Dokumenti i mësipërm është tenderi i shpallur nga Bashkia e Shkodrës për hartimin e projekteve të qytetit veriperëndimor. Objekti i tenderit është “hartimi i studimeve të fizibilitetit, planeve zhvillimore, masterbplane, projekt ide teknike dhe projekteve të ndryshme të detajuara”.
Ndërkohë që autoriteti kontraktues, Bashkia e Shkodrës, ka akorduar një fond limit prej 50.000.000 lekësh. Në të njëjtin dokuemtn shkruhet se kërkohen “projekte”, “shërbimeve për projektim të arkitekturës”, “shërbim për projektim ndërtesash”, “shërbime të planifikimit urban dhe planifikimeve piktoreske”. Pra, panifikime piktoreske!
Çfarë do të thotë piktoreske? Afreske në mure apo vizatime në fasada? Nga ato që kanë bërë me shumicë Erion Veliaj dhe Edi Rama me Tiranës, apo siç janë lyer disa fasada në disa qytete. Por, megjithëse disa pallate janë lyer, sërish gjendja është e mjerueshme, pasi çdo vit nga Shqipëria ikin gati 50 mijë qytetarë. Apo sa është edhe popullsia e Kukësit apo Beratit.
Por, a do t’i pengojë banorët e Shkodrës që të largohen nga lyerja e fasadave? Apo edhe planifikimet piktoreske? Natyrisht që jo, pasi banorët e Shkodrës, ashtu si edhe ata të të gjithë Shqipërisë, kërkojnë mirëqenie, investime në infrastrukturë, në shërbime apo edhe krijimin e vendeve të punës, çka përkthehet me një rrogë më të lartë. Por, vizioni i shtetarëve është vetëm fasada!
