Ish-kryeministri Sali Berisha, në një konferencë për shtyp u shpreh se opozita nuk do të dekurajohet nga paralajmërimet e ministrit të Brendshëm, Taulant Balla i cili një ditë më parë paralajmëroi zbatimin e kodit penal që parashikon dënim deri në 5 vjet burg për aktet e ndodhura në Parlament.
I pyetur se kur do të nisë mosbindja civile, Berisha tha se ende nuk ka një datë, por shtoi se strukturat janë të mobilizuara.
Pyetje: Prej 10 ditësh ju keni folur për mosbindje civile, i keni bërë thirrje kryetarëve të degëve të mobilizohen. Keni ndonjë përgjigje kur do nisë?
Berisha: Eshtë një bindje universale që në Shqipëri është instaluar diktatura dhe jemi në një grusht shteti brenda shtetit. Ka një revoltë të madhe dhe strukturat janë të gatshme.
Asgjë nuk e dekurajon opozitën. Balla është përfaqësuesi më i shëmtuar i grupeve më të rrezikshme kriminale të Shqipërisë. Mosbindja civile është mënyra se si opozita po i përgjigjet grushtit të shtetit brenda shtetit.
