Karrige të përmbysura aty ku duhet të jetë foltorja, prezencë e shtuar e Gardës së Republikës, tymuese dhe letra të djegura.
Është kjo skena që u përserit dhe sot në Kuvendin e Shqipërisë teksa opozita është zotuar që ta vijojë paralizimin e jetës parlamentare deri në respektimin e të drejtave të tyre kushtetuese, që sipas tyre po shkelen nga mazhoranca.
Teksa deputetët e grupit demokrat qëndronin në këmbë duke ndezur tymuese dhe transmetuar live në rrjetet e tyre sociale, ligjvënësit socialistë vijuan të marrin fjalën e tyre nga vendi, duke mos kursyer edhe kritikat për sjelljen e kolegëve të tyre.
Ndër të tjerë, Flamur Noka të cilit kryeparlamentarja Lindita Nikolla i komunikoi përjashtimin, u vuri flakën një sërë letrash që mbante në dorë.
Në këto kushte, pas 17 minutash, kryeparlamentarja solli nderprerjen e seancës, që në rendin e ditës kishte diskutime nga deputetët lidhur me problemet e zgjedhësve.
Tensionet nisën që në hyrje të parlamentet teksa deputetët demokratë u përplasën me gardën duke refuzuar kontrollin fizik.
Pas seancës, kreu i PD-së Sali Berisha u shpreh se Berisha theksoi se opozita do të vijojë aksionin në Kuvend deri në krijimin e komisioneve hetimore parlamentare të kërkuara.
Mosbindja civile sot, u shpreh ai, ishte suksesi i radhës i deputetëve të opozitës.
Të njëjtin qëndrim mbajti dhe kreu i grupit parlamentar të PD, Gazment Bardhi. “Nuk kemi ndërmend të tërhiqemi, pasi do të thotë që të pranojmë rënien e shtetit të shtetit të së drejtës. Apeli im për mazhorancës është që në vend të forcës, të fusë në punë arsyen dhe logjikën”, tha Bardhi.
