Vrasja e Liridona Murselit, mbrëmjen e së mërkurës në Prishtinë, e planifikuar nga bashkëshorti i saj vijon të jetë kryefjala e mediave.
Ditën e sotme familjarët kanë lajmëruar se do të bëhet zhvarrimi i trupit të Liridonës dhe rivarrimi në vendin e lindjes së saj, pranë familjes.
Ndërkohë, në Suedi, aty ku e reja punonte në një lokal “Lejas Cafe”, janë mbajtur homazhe në nder të saj.
Deputeti në parlamentin suedez, Magnus Jakobsson, ka qënë i pranishëm, ku shprehu ngushëllime duke theksuar se e reja kosovare ishte person i mrekullueshëm. Aty në nderim të saj u ndezën qirinj e u vendosën lule. Me anë të një postimi në “X”, deputeti Jakobsson theksoi se Liridonën do ta kujtojnë me ngrohtësi, pasi tha se ajo ishte një person që vlerësohej nga të gjithë.
“Sot kemi vizituar memorialin e Liridonës në Lejas Café. Shumë erdhën dhe lanë lule dhe ndezën qirinj. Një moment i denjë përkujtimi. Liridonën do ta kujtojmë me ngrohtësi. Ajo ishte një person i mrekullueshëm që vlerësohej nga të gjithë ata që e njihnin. U prefsh ne paqe”, shkroi Jakobsson.
Idag har vi besökt minnesstunden för Liridona hos Lejas Café. Många kom och lämnade blommor och tände ljus. En värdig minnesstund.
Vi kommer att minnas Liridona med värme. Hon var en fantastisk person som uppskattades av alla som lärde känna henne.
Vila i frid! pic.twitter.com/YXY3vyYFNC
— Magnus Jacobsson (@magnusjacobsson) December 3, 2023
