Një organizatë që merrej me përpunimin e kokainës, është zbuluar nga autoritetet në Belgjikë, ndërsa në pranga kanë rënë 11 persona mes tyre 2 shqiptarë.
Mediat e huaja shkruajnë se organizata kishte krijuar një laborator posacërisht për përpunimin e kokainës. Nga kontrollet janë gjetur rreth 8 kilogramë kokainë e nxjerrë kimikisht nga ambalazhet e kartonit, ndërsa u gjetën po ashtu sasi të mëdha paketimesh që dyshohet se përmbajnë kokainën e papërpunuar.
Përveç kokainës dhe materialeve të përpunimit, u sekuestruan edhe 20 mijë euro, katër makina dhe sende të tjera me vlerë.
Pritet që të arrestuarit të dalin para drejtësisë belge për tu njohur me masën e sigurisë.
