Prestigjozja britanike “The Telegraph”i ka kushtuar një tjetër artikull emigrantëve shqiptarë që shkojnë si klandestinë në ishull dhe më pas “punësohen” në fermat e kanabisit.
Më shumë se 100 emigrantë të paligjshëm shqiptarë janë dënuar me më shumë se 30 vite burg në vetëm tre muaj pasi u rekrutuan nga bandat e krimit të organizuar për t’i shërbyer numrit në rritje të shpejtë të fermave të kanabisit.
Tre të katërtat (77) e 101 shqiptarëve të burgosur midis gushtit dhe tetorit të këtij viti u dënuan për vepra të lidhura me prodhimin e kanabisit në fermat në të gjithë Anglinë dhe Uellsin e drejtuar nga bandat e organizuara, sipas një analize të rasteve nga The Telegraph.
