Dy shqiptarë dhe një shtetas kolumbian janë arrestuar në Spanjë, pasi akuzohen për prodhim të lëndëve narkotike.
Të tre shtetasit në bashkëpunim me njëri-tjetrin kishin krijuar një plantacion me rreth 1400 bimë kanabis. Mediat vendase shkruajnë se për kultivimin e bimëve banda ka shpenzuar rreth 80 mijë euro furnizim me energji elektrike dhe rreth 4 mijë euro shërbime të ujit të pijshëm dhe kanalizimeve.
Të arrestuarit janë liruar përkohësisht në pritje të gjykimit përkatës. Përveç këtyre tre personave, janë edhe dy anëtarë të kësaj bande të organizuar, të cilët aktualisht janë në kërkim.
