Ndryshim pankine në Ligue 1. Drejtuesit e Nantes kanë shkarkuar Pierre Aristouy nga posti i trajnerit.
43-vjeçari qëndronte në pankinën e Nantes prej datës 9 maj, duke drejtuar skuadrën për 17 ndeshje në total.
Nantes ka siguruar vetëm një pikë në katër takimet e fundit, ecuri negative që ka sjellë shkarkimin e Aristouy.
Drejtuesit nuk duan të përjetojnë ankthet e sezonit të fundit, kur qëndrimi në elitë u sigurua vetëm në fund.
Ai që pritet të zëvendësojë Pierre Aristouy në pankinë është Jocelyn Gourvennec, i cili aventurën e fundit e pati te Lille.
