Një 29-vjeçar shqiptar është dënuar me 6 vjet burg në Gjermani, pasi akuzohet për transport të lëndëve narkotike. I riu kap në kufirin belgo-gjerman në prill, teksa ishte duke udhëtuar me një makinë tip “Golf”, brenda së cilës janë gjetur 10 kilogramë kokainë.
Mediat e huaja shkruajnë se sipas vlerësimit të gjykatësit i pandehuri kishte vepruar në vështirësi ekonomike, pa diplomë shkolle ose trajnim profesional, ai duhej të mbante familjen e tij vetëm me punë të pakualifikuara të paguara dobët. Për udhëtimet si korrier, ai merrte deri në 450 euro për kilogram kokainë. Por pavarësisht të gjitha pretendimeve nga ana e mbrojtjes, 29-vjeçari shqiptar, baba i tre fëmijëve është dënuar me 6 vjet burg.
