Një mekanik me origjinë shqiptare, është dënuar me dy vite burg në Irlandë, pasi akuzohet për trafik droge.
Bëhet fjalët për shtetasin Xhevair Ibraj, 42 vjeç i cili u kap gjatë një dorëzimi kokaine prej 139,000 eurosh. Ibraj u pa nga policia, i parkuar në një kryqëzim në Porterstoën Road duke marrë një çantë në makinën e tij nga një i bashkakuzuar, e cila më vonë doli se ishte e mbushur me drogë.
Kur policia iu afrua dhe iu kërkua të dorëzonte çantën që sapo kishte marrë nga burri tjetër, Ibraj fillimisht dorëzoi një qese me patate dhe më pas një qese me rroba përpara se qesja e mbushur me kokainë të dallohej brenda makinës që ai drejtonte.
Mediat e huaja shkruajnë se Ibraj, nuk ka asnjë dënim të mëparshëm. Ai jeton në Irlandë për 14 vjet. Ai ka një grua dhe dy fëmijë, punon si mekanik dhe u përshkrua nga avokati mbrojtës si një “familjar punëtor”.
