Ilir Daja ishte i ftuar në emisionin ‘Elite’ në Supersport për të diskutuar tema të ndryshme të futbollit.
Nga e shkuara e artë me Skënderbeun dhe e tashmja e artë me Ballkanin, deri te drejtimi i ekipeve të kryeqytetit.
I pyetur nga gazetarët për zërat e një oferte nga Dinamo, Daja konfirmoi zërat, por lëshon një mesazh të sinqertë duke u shprehur se një rikthim në kryeqytet është gjithmonë kënaqësi.
“Ofertë nga Dinamo? Ka edhe të vërteta por edhe gjëra të shtuara. Kemi patur një kontakt në distancë, por duke respektuar kontratën me Ballkanin pasi ishte e parinovuar në atë periudhë. Të drejtosh Tiranën, Dinamon e Partizanin është përgjegjësi e madhe. Te Dinamo kam kaluar më shumë si futbollist e trajner. Shpresoj një ditë të rikthehem ashtu siç e tha edhe Goldi, është kënaqësi të drejtosh një nga këto 3 ekipe”, deklaroi Daja.
Sinqeriteti i fjalëve të Ilir Dajës nuk ka sesi të mos bie në veshin e drejtuesve të 3 klubeve kryeqytetasve të cilët sigurisht mund të jenë të gatshëm të futen në një ‘ankand’ për shërbimet e trajnerit më të mirë shqiptar.
