Policia e Tiranës ka arrestuar një person të shpallur në kërkim, i cili është dënuar me 10 vjet burgim, për disa vepra penale.
Në vijim të operacionit të koduar “Sundimi i ligjit” është vënë në pranga shtetasi Musa Rama, 65 vjeç, banues në Tiranë. Ai është kapur nga uniformat blu në rrugën “Arkitekt Kasemi” në kryeqytet.
“Gjykata e Apelit Tiranë e ka dënuar këtë shtetas me 10 vjet burgim, për veprat penale “Ndihma për kalim të paligjshëm të kufijve”, “Mashtrimi” dhe “Falsifikimi i letërnjoftimeve, pasaportave dhe vulave”.” – thuhet në njoftimin e Policisë.
Materialet procedurale i kaluan Prokurorisë së Tiranës për veprime të mëtejshme.
