Një ngjarje e rëndë është regjistruar këtë të enjte në lagjen nr.1 të Durrësit, ku një person ka humbur jetën në mënyrë tragjike.
Autoritetet policore raportojnë se shtetasi I. M., rreth 40 vjeç, dyshohet se ka rënë aksidentalisht nga kati i nëntë i pallatit ku banonte. Si pasojë, ai ka humbur jetën në vend.
Grupi hetimor ndodhet në vendngjarje dhe vijon punën për sqarimin e rrethanave dhe dokumentimin e plotë ligjor të kësaj ngjarjeje.
