Mbi 1 000 persona protestuan sot në qendër të Berlinit kundër ndalimit të Partisë së Punëtorëve të Kurdistanit (PKK), një ditë pas vizitës së presidentit turk Recep Tayyip Erdogan.
Policia në kryeqytetin gjerman, i cili është shtëpia e një popullsie të madhe turke dhe kurde, raportoi fillimisht 800 pjesëmarrës, të cilëve iu bashkuan gjithnjë e më shumë persona, pas fillimit të protestës në Kreuzberg.
Protestuesit mbanin flamuj kurdë në ngjyrat e verdhë, të kuqe dhe jeshile dhe shprehën kritika ndaj Erdoganit.
PKK është e ndaluar në Gjermani që nga viti 1993. Gjithashtu është e ndaluar si organizatë terroriste nga Bashkimi Evropian dhe Shtetet e Bashkuara të Amerikës.
Policia ka vendosur 3 000 oficerë në rrugët e Berlinit gjatë ditës.
