Shtohet rastet me kancer të mushkërisë në Shqipëri. Sipas të dhënave të Institutit të Shëndetit publik gjatë një vitit zbulohen mbi 800 raste të reja, ndërkohë që vdekshmëria sipas mjekve të spitalit të “Shefqet Ndroqi” mbetet e lartë. Mjekja onkologe pranë Sanatoriumit, tha se një ndër problemet kryesore të këtij lloj kanceri është diagnostikimi i vonë.
“Kanceri i cili ka vdekshmërinë më të madhe nga të gjithë kancerat dhe numri i rasteve të zbuluara në vit është i barabartë më kancerin e gjirit.”
“Më përpara ka qenë në një moshë relativisht 45-50 vjeç. Aktualisht kemi pacientë të moshëvë të reja nën 40 që janë në stade të acancuara dhe 60% e këtyre vijnë në stadet e vonshme.”
Duhanpirja dhe ndotja e ambientit janë shkaktarët kryesore.
“Duhanpirja në një përllogaritje mund të bëjë edhe 80% të shkaqeve që krijojnë kancer të mushëkrive dhe duke parë që duhanpirja është shtuar edhe tek seksi femër themi që të dy këto sekse janë të rrezikuar pothuajse barabart sa i përket duhanpirjes. Pastaj ka edhe faktorë të tjerë siç është edhe prezenca e gazit radon në shtëpi. Ka edhe probleme të ndotjes atmosferike që janë produktet që ne kemi në ajër me përbërje të azbestit dhe të shpërbërjes hidrokarbureve.”
Një ndër simptomat tipike që duhet të shqetësojë pacintët është një kollë që zgjat mbi 1 muaj.
“Një kollë e vazhdueshme e cila mund të jetë e shoqëruar me sputum ose jo prej një periudhe më të gjatë se një muaj e cila pavarësisht se mund të jetë e shoqëruar me një temperaturë jot ë lartë por për një kohë shumë të gjatë e cila nuk ka pasur ndikim ose përmirësim ndaj trajtimit me antibiotiko terapi.”
Mesatarisht regjistrohen rreth 3500 vdekje në vit nga tumoret. Kanceri i mushkërisë përbënë mbi 23% të vdekjeve nga të gjitha sëmundjet tumorale.
