Kanë përfunduar të 4-ta sfidat e mbrëmjes të vlefshme për kualifikueset “EURO 2024”.
Portugalia ka marrë një fitore të pastër 2-0 ndaj Lihtenshteinit. Për portugezët shënuan Cristiano Ronaldo dhe Cancelo.
Kjo ishte fitorja 9-të në po kaq ndeshje për luzitanët duke qenë perfektë në këtë fushatë kualifikuesesh.
Në takimin e fundit, që më shumë i vlen Cristiano Ronaldos për ta mbyllur fushatën eliminatore të Evropianit si golashënuesi më i mirë, Portugalia do të presë Islandën.
Ronaldo ka shënuar në total në këto eliminatore 10 gola, aq sa Lukaku, por sulmuesi belg qëndron në krye pasi ka dhënë një asist.
Ndërsa po në këtë grup Sllovakia arriti kualifikimin në “EURO 2024” pasi mposhti Islandën 4-2.
Grupi J kryesohet nga Portugalia me 27 pikë dhe Sllovakia me 19 pikë.
Luksemburgu ka mposhtur Bosnjën me shifrat 4-1. Kjo fitore ka qenë për statistikë, pasi Luksemburgu nuk mund të kualifikohet për në fazën me eliminim direkt.
Në Grupin G qëndron matematikisht në garë për vendin e dytë Mali i Zi, që iu imponua 2-0 Lituanisë. Serbia ka dy pikë më shumë se malazezët dhe në ndeshjen e fundit luan kundër Bullgarisë.
Shikoni golat e Lihteshtein-Portugali
Shikoni golat e Luksemburg-Bosnjë
