Ekipet e Premier League vazhdojnë të insistojnë për Ferran Torres. Sulmuesi i Barcelonës që ka një të shkuar në Angli, mund të rikthehet aty, por jo tek Manchester City.
Newcastle është vënë në ndjekje të spanjollit me këtë të fundit që nuk është shumë i kënaqur nga minutat që po i jep Xavi. Si rrjedhojë ai po shqyrton idenë e largimit nga Spanja, me Barcelonën që gjithashtu nuk është e kënaqur me performancat e futbollistit.
Në rast shitje të lojtarit, katalanasit nuk do ta largojnë atë pa 40 milionë euro. Një shifër e përballueshme për Newcastle, por nuk dihet nëse ky operacion do të mbyllet me sukses.
