Partizani ia ka dalë në javët e fundit edhe pa gatishmërinëe disa titullarëve, madje mungesa e tyre as që ka rënë nësy, pasi skuadra e drejtuar nga drejtori-trajner, Arbër Abilalaiaj, ka një seri prej gjashtë fitoresh pa ndërprerje.
Mungesat më me peshë kanë qenë në mbrojtje dhe sulm, porfalë alternativa në stol dhe përshtatjes së ndonjë lojtari nërol, “demat” kanë vazhduar rrugën e suksesit. Dje Partizani ka zbritur në fushë dhe gjatë pasdites skuadra nëndrejtimin e trajnerit Abilaliaj dhe stafit teknik ka kryerseancën e parë, që pas tragjedisë së Rafel Duamenës që epërjetuan “live” në Rrogozhinë.
Seanca e djeshme ka sjellëlajme të mira për Partizanin, pasi stafi i ka pasur në dispozicion të gjithë lojtarët, me përjashtim të Prekës dhe Buxhelajt, që janë të grumbulluar me ekipin Shpresa. Por ajo që bën të veçantë seancën e djeshme, është përgatitja në kushte normale e armatës së të dëmtuarve, që i kanë munguar prej javësh të kuqve.
Andi Hadroj, Eljon Sota,Viktor Da silva dhe Kristian Mba pritet që të jenë përforcimet e nëntorit për Partizanin. Ndërprerja e kampionatit është një plus më tepër që këta lojtarët të vijnë edhe më në formë kur të rinisë kampionati më 23 nëntor. Nga emrat e mësipërm, vetëm Hadroj ka mundësi që të luaj ndaj Egnatias, pasi emri i tij ka qenë në protokollin e ndeshjes. Ndërsa Sota, Da Silva dhe Mba do të jenë të gatshëm për të luajtur duke nisur nga dy derbet e kryeqytetit, fillimisht me Dinamon në javën e 14-të dhe më pas me Tiranën e vlefshme për javën e 15-të të Superiores.
