Kryeministri Edi Rama tha në një emision televiziv se çështja e ndërtimit të një ujësjellësi për të furnizuar me ujë rajonin e Puglias në Itali nga Syri i Kaltër, është një ide e viteve 1930.
Ai u shpreh në parim pro marrëveshjes.
“Është një temë që është hapur në vitet 1930. Ideja që Puglia të merrte ujë nga Syri i Kaltër. Atë temë e kanë prekur të gjithë kryeministrat e Italisë dhe ja ku jemi. Ne kemi qenë gati që nga vitit 1930, ka një arsye përse nuk është bërë deri tani, sepse është një projekt gjigand, kur shohin koston thonë po e lëmë për pak më vonë”, tha Rama në “Repolitix”.
