Një ngjarje e rëndë raportohet të ketë ndodhur në Itali, ku një 26-vjeçareje shqiptare, ka humbur jetën.
Mediat e huaja shkruajnë se viktimë ka mbetur, Anila Grishaj, e cila ka qenë duke punuar në një kompani që merrej me prodhimin dhe tregtimin e ushqimeve të ngrira, teksa i ka ngecur koka në një prej makinerive. Edhe pse kanë ndërhyrë për ta ndihmuar, goditja ka qenë fatale.
Ngjarja ka ndodhur në Pieve di Soligo, ndërsa autoritetet vijojnë hetimet për zbardhjen e plotë të rastit.
