Kreu i grupit të PD-së, Gazment Bardhi, pas mbledhjes së grupit parlamentar është se çdokush që ndjehet në opozitë me Ramën, mund t’i bashkohet frontit opozitar, teksa u pyet rreth një deklarate të Agron Dukës sipas të cilit që opozita të fitojë zgjedhjet e vitit 2025, duhet të bëjë koalicion të gjerë opozitar.
Në lidhje me Lulzim Bashën, nëse a duhet të bëjë pjesë tek ky fron opozitar, Bardhi nuk i ndali ironitë ndaj kryedemokratit të vulës. Bardhi ironizoi duke thënë se nuk është në një mision ku kërkon të humburit dhe e vetmi moment kur e ka parë ishte “të vraponte kur duheshin votat në seancë për ligjin e çimentimit të kapjes nga Edi Rama të Kushtetues”.
“Besoj qëndrimi im është publik. Kushdo që ndjehet në opozitë me do të duhet ti bashkohet frontit opozitar. Kushdo që nuk ndjehet opozitë me Edi Ramën, nuk mund të bashkohet me frontin opozitar. Pyetjen bëjani Bashës, kërkojeni që të dalë nëse është fshehur, kërkojeni. Do të duhet ta pyesni atë nëse ndihet apo jo në opozitë. Nuk e shikoj fare, ashtu siç nuk e shikoni ju dhe unë s’kam patur mundësi ta shikoj. E kam parë vetëm një herë të vraponte kur duheshin votat në seancë për ligjin e çimentimit të kapjes nga Edi Rama të Kushtetues. Që nga ajo ditë na ka humbur edhe juve dhe neve të tjerëve na ka humbur nga vështrimi. Nuk e kam kërkuar sepse nuk është misioni im të kërkoj të humburit“, tha Gazment Bardhi.
Duke folur rreth situatës aktuale, Bardhi theksoi se opozita nuk dëshiron një Parlament jo funksional. Ai theksohet se përsa kohë i mohohen të drejtat kushtetuese opozitës, ata do të bllokojnë punimet në Kuvend.
“Kur të jetë momenti për të kaluar në atë fazë të jeni të sigurt që nuk do tua mbajmë të fshehtë. Jemi gati për të shkuar në çdo akt përfshirë edhe aktet që ju përmendi dhe ditë pas dite do të mësoni përshkallëzimin e akteve. Duam që Parlamenti të mos jetë në anormalitet. Duam që Parlamenti të funksionojë sipas rregullave të Kushtetutës jo si një favor ndaj opozitës por si një e drejtë ndaj deputetëve të opozitës. Ne duam të hetojmë kontratat në sektorin e shëndetësisë që fondet të shkojnë për qytetarët dhe jo në xhepat të bashkëpunëtorëve të Edi Ramës. Ne duam të hetojmë të dhënat e TIMS. Këto janë të drejta kushtetuese të opozitës dhe ne jemi të vendosur për t’i mbrojtur. Për sa kohë opozitës i mohohen të drejtat kushtetuese nuk do të ketë punë normale në Kuvend. E drejta e opozitës për të çuar para reformën zgjedhore nuk zgjidhet duke u fshehur pas mbledhjes online apo shtimti të forcave të gardës. Do bllokojmë punën 2-ditore të parlamentit për diskutimin e buxhetit të vitit 2024”, theksoi ai.
